|
Haughs o' Cromdale
(Traditional Version)
For A threw ma Plaidie oot
o'er ma shoulder,
A poke o' meal and a flask o' pooder,
Tap o' the Hills and far awa,
Tae view the Haughs o' Cromdale.
An as I cam in by Achendoun,
Just a little wee bit frae the toon,
Intae the Hielands I was bound,
Tae view the Haughs o' Cromdale.
I met a man wi a tartan
trews,
An spiered at him fit wis the news,
Says he, the Hielan Army rues,
That e'er it focht at Cromdale.
But it's this the Great
Montrose did say,
John Heilanman shaw me the way,
For I maun o'er the Hills the day,
Tae view the Haughs o' Cromdale.
Alas ma Lord ye'r no ower
strang,
Ye barely hae ten thousand men,
There's twenty thousand Englishmen,
Stand rank and file on Cromdale.
But it's this the Great
Montrose did say,
John Heilanman shaw me the way,
John Heilanman shaw me the way,
Intae the Haughs o' Cromdale.
Fan Great Montrose upon them
cam,
They were at breakfast every man,
A second battle then began,
Upon the Haughs o' Cromdale.
McGregors they returned
again,
The Camerons did the Standard line,
And the MacDonalds held the richt o' line,
Down on the Haughs o' Cromdale.
The Gordons proudly did
advance,
The Frasers focht wi' spear and lance,
Bit the Stewarts gar'd their heids tae dance,
Upon the Haughs o' Cromdale.
Wi' MacDonald's men, Clan
Ranald's men,
MacKenzie's men and McGillivray's men,
Wi' their bonnets blue and their braid Claymores,
They slachtered them down on Cromdale.
And o' twice Ten thousand
Englishmen,
Five Hundred fled tae Aberdeen,
The lave o' them lie on the grass,
Aroon the Haughs o' Cromdale.
You
can listen to a different version of this song here |
