TWA
RECRUITIN' SAIRGEANTS
Traditional
Twa
recruitin' sairgeants cam' frae the Black Watch
To markets and fairs some recruits for to catch;
An' a' that they listed was forty an' twa,
So list bonnie laddie, an' come awa' .
Chorus:
It is over the mountains, and over the main,
Through Giberalter to France and Spain,
Get a feather tae your bonnet, and a kilt abeen your knee,
An'
list bonnie laddie an' come awa' wi' me.
Oh, laddie, ye dinna ken the danger that ye're in
If your horses wis to fleg an' your ousen wis to rin
This greedy auld fairmer winna pey your fee,
So list bonnie laddie an' come awa' wi' me.
It is intae the barn an' oot o' the byre,
This auld fairmer thinks ye'll never tire,
For it's a slavery job of low degree,
So list bonnie laddie an' come awa' wi' me.
Wi' your tatty poorin's an' your meal an' kail
Your soor sowen soorins an' your ill-brewed ale,
Wi' your buttermilk and whey an' your breid fired raw
So
list bonnie laddie an' come awa' .
Oh, laddie if ye've got a sweetheart an' bairn
Ye'll easily get rid o' that ill-spun yarn
Twa rattles o' the drum an' that'll pey it a'
So list bonnie laddie an' come awa' .
|
