LOGIE
O' BUCHAN
George Halket
Oh, Logie o' Buchan, O Logie the laird,
They hae taen awa' Jamie, that delved in the yaird,
Wha played on the pipe, and the viol sae sma',
They hae taen awa' Jamie, the flow'r o' them a'.
Chorus:
He said "Think na lang lassie, tho' I gang awa',
An I'll come an see thee, in spite o' them a'.
Tho' Sandy has ousen, has gear, and has kye,
A house and a haudin', and siller forbye;
Yet I'd tak' my ain lad wi' his staff in his hand,
Before I'd hae him wi' his houses and land.
My daddy looks sulky, my minnie looks soor,
They frown upon Jamie because he is poor;
But daddie and minnie although that they be'
They're no half sae dear as my Jamie to me.
I sit on my creepie and spin at my wheel,
And think on the laddie that lo'ed me sae weel;
He had but ae saxpence, he brak it in twa,
And he gied the half o't when he gaed awa'.
Then haste ye back, Jamie, and bide nae awa',
Then haste ye back, Jamie, and bide nae awa',
The simmer is comin', cauld winter's awa',
And ye'll come and see me in spite o' them a'.
Footnote - It is claimed that George
Halket of Inverallachy, Aberdeenshire, was a Jacobite and took part
in the 1745 Rising. I can find no reference to him in the Jacobite
muster roll for 1745-1746 in the recently republished "No
Quarter Given - The Muster Roll of Prince Charles Edward Stuart's
Army 1745 - 1746" ( published by Neil Wilson Publishing,
Glasgow £15 ).
|
