Check all the Clans that have DNA Projects. If your Clan is not in the list there's a way for it to be listed.An amazing collection of unique holiday cottages, castles and apartments, all over Scotland in truly amazing locations.

Click here to get a Printer Friendly Page
Scots Place Names
Advertise on all 1000+ pages of the Flag in the Wind
Handmade Gifts

 

Scots Independent

The Flag in the Wind
Features
SING A SANG AT LEAST

 Scottish Flag

Home | About Us | Subscriptions | Archives | SNP | Ad Rates | Features | Adverts | Events | Links

THE BARON O' BRACKLEY
Traditional

 
                                            Down Deeside cam' Inverey, whistlin' and playin',
                                            He's lichted at Brackley yetts at the day dawin',
                                            Says: "Baron o' Brackley, it's are ye within?
                                            There's sharp words at your yetts - I'll gar your bluid spin."
 
                                            Oot spak the brave baron ower the castle wa',
                                            "Are ye come to spulyie and plunder my ha'?
                                            But gin ye be a gentleman, licht and come in;
                                            Gin ye drink o' my wine ye'll no' gar my bluid spin."
 
                                            His lady rose up, to the window she went,
                                            She heard her kye lowin' o'er hill and o'er bent;
                                            "O, rise up, bold Brackley and turn back your kye,
                                            For the lads o' Drumwharren are drivin' them by."
 
                                            "How can I rise, lady, or turn them again?
                                            For when I hae ae man I wat they hae ten."
                                            She's ca'd on her Maries to come to her hand,
                                            Says: "Bring your rocks, lasses, we will them command.
 
                                            Gin I had a husband as I wat I hae nane,
                                            He'd no' lie in his bed and see hie kye ta'en."
                                            "Now haud your tongue, Peggy, and gie me my gun,
                                            Ye'll see me gang oot but I'll never come in.
 
                                            Arise, Peggy Gordon and gie me my gun,
                                            I will gang oot though I never come in.
                                            Then kiss me, Peggy, I'll nae langer stay,
                                            For I will gang oot and meet Inverey."
 
                                            When Brackley was ready and stood in the close,
                                            A bonnier gallant ne'er mounted a horse,
                                            "What'll come o' your lady and bonny young son?
                                            O. what'll come o' them when Brackley is gone."
 
                                            "Strike, dogs!" cries Inverey, "fecht till you're slain,
                                             For we are four hunder and ye are four men.
                                            Strike, ye proud boaster, your honour is gane,
                                            Your lands we will plunder, your castle we' burn."
 
                                            At the head o' the Etnach the battle began.
                                            At little Aucholzie they killed the first man.
                                            First they killed ae man and syne they killed twa,
                                            Then the Baron o' Brackley, the flooer o' them a'.
 
                                            They killed William Gordon and James o' the Knock,
                                            And brave Alexander, the flooer o' Glenmuick.
                                            Whit sighin' and moanin' was heard in the glen,
                                            For the Baron o' Brackley wha basely was slain.
 
                                            Cam' ye by Brackley yetts, cam' ye by there?   
                                            And saw ye his Peggy a-tearin' her hair?
                                            O, I was by Brackley yetts, I cam' by there,
                                            And I saw Peggy Gordon a-braidin' her hair.
 
                                            She was rantin' and dancing and singin' for joy,
                                            She swore that ere nicht she would feast Inverey.
                                            She ate wi' him, drank wi' him, welcomed him in,
                                            Was kin' to the man wha had slain her baron.
 
                                            O, fye on ye lady, how could ye dae sae?
                                            Ye opened the yetts to the fause Inverey.
                                            There's dule in the kitchen and mirth in the ha',
                                            That the Baron o' Brackley is deid and awa'.
 
 
Footnote : Two versions surround the events described in this song which took place in Strathdee on the 7th of September 1666. John Gordon of Brackley bought from the Sheriff of Aberdeen fines "Exigible from Inverrey and others, for killing of blackfish". According to Farquharson of Inverey, Brackley refused his offer of a settlement and, with his followers "... loused several shotts" against Inverey's party who, in self defence, opened fire in return and killed the Laird of Brackley and his brother William. The account by Brackley's son, of the event is different. According to him Farquharson of Inverey, with a band of armed followers, came to the house of Brackley, and commanded the Laird to restore his cattle which had been impounded. An argument followed during which Brackley and his brother were murdered.