|
By J K
Annand
 My grannie's grannie
Was an auld-farrant sowl,
She liked to sup her tea
In a blue cheenie bowl,
She spreid her breid wi thoumie
(That's buttered wi her thoum)
When knifes were kept for Sundays
And tea taen ben the room.
She'd parritch for her brekfast,
At denner-time she'd kail,
Her tea was cheese and bannocks
And supper brose and yill.
My grannie says her grannie
Kent monie a tale and rhyme
That nou my grannie tells
To me at my bedtime.
I always like to veesit
My grannie at her hame
For if there werena grannies
Life wadna be the same.
Click
here to listen to this in Real Audio
|
