Click here to listen
to this in Real Audio read by Peter D Wright
Aince mair we tryst at The Bleck Stane
Fir ti mynd o Alexander's byous gowden ring.
Aince mair we lig a Saltire wraith
Fir ti mynd o Scotland's byornar 'Gowden Age'.
Aince mair we tryst at The Bleck Stane
Fir ti mynd our fella Scots o days langsyne.
Aince mair we herk at spikkars braw
Fir ti mynd o Scotland - Independent an Fre.
Aince mair we tryst at The Bleck Stane
Fir ti mynd o hou Alexander keppit Scotland Fre.
Aince mair we think oan his smeddom an ingyne
Fir ti mynd o hou he wadna bou ti thraldome.
Aince mair we tryst at The Bleck Stane
Fir ti mynd o hou Alexander biggit Scottish unitie.
Aince mair we tak tent tae spiks o lown an bienness
Fir ti mynd o huo our forefowk bacam Scots leal.
Aince mair we tryst at The Bleck Stane
Fir ti mynd at Scotland maitters abune aw.
Aince mair we tak, ilka ane, a hinmaist thocht
Fir ti mynd at Scotland aye neids remeid.
