Oh there were twa lads belonged tae this nation
Dundee being their place an’ station
Went oot ae nicht as I were told
Just tae hae a moonlicht stroll 

     Wi’ a hi tum a toe tum a tum a lack a daisy
     Tum a lack a daisy wi’ a tum a lum a lay 

For noo on the road they spied a pear tree
There grew pears as many as could be
So for a pear they were inclined
So up the pear tree they did climb

So far up the pear tree they were landed
Far up the pear tree they were stranded
It wisnae the pears that taen my e
Twas a lad an’ lass lyin’ in a-low the tree

So this young man he began tae unlace her
This young man began tae embrace her
He taen aff his coat tae save her goun
When a’ the pears come a-rummilin’ doon

So this young man he looked up in wonder
As we battered doon the pears like thunder
So up he got an’ awa did flee
Leavin’ his coat lyin’ in a-low the tree

So the owner of the coat we did enquire
The owner of the coat wis our desire
The owner of the coat we never found out
So we had a damn guid coat for nowt

So noo a’ ye lads an’ whaur ye may be
Dinna ging coortin’ in a-low a pear tree
For if ye do ye’ll spoil the fun
When a’ the pears come a-rummilin’ doon 

     Wi’ a hi tum a toe tum a tum a lack a daisy
     Tum a lack a daisy wi’ a tum a lum a lay 

Flagnote: This is the Dundee version of an old traditional song which I first heard sung, more years ago than I wish to remember, by, appropriately a Dundee folk group, Lomond Folk Four, at the Rothes Folk Club in Glenrothes.